提示詞唔係「愈長愈好」，而係「愈清楚愈穩」。我地喺課堂最常用嘅結構係：角色 × 任務 × 限制 × 輸出格式。
四段點填
- 角色：你希望 AI 用邊個視角？例如「B2B 銷售教練」「行政效率顧問」。
- 任務：今次要完成咩？愈具體愈好。
- 限制：語氣、字數、語言（書面中文／廣東話）、唔可以亂加事實。
- 輸出格式：表格、bullet、電郵、簡報大綱、FAQ……
示例：客戶跟進電郵
角色：你係香港 B2B 銷售教練。
任務：根據以下會議筆記，寫一封跟進電郵。
限制：書面中文、150 字內、唔好誇大承諾。
輸出：主旨一行 + 正文三段 + 一個清楚下一步。
常見錯誤
- 只寫「幫我寫好啲」——AI 唔知「好」嘅標準。
- 一次過要求太多——拆成兩三次對話更準。
- 唔檢查數字同人名——AI 可能「估」。
把公式存成 Notion／Excel 模板，團隊共用，產能會明顯穩定。
